БИШКЕК. Кыргыз өкмөтү калкты кино көрсөтүү менен камсыз кылуу тууралуу токтом кабыл алды. Мамлекеттик кино жана видеокомпаниянын төрагасы Муктаалы Бектеналиевден алынган маалыматка караганда, ал быйылкы социалдык мобилизациялоо жылында жергиликтүү калктын мамлекеттик саясат жөнүндө маалымдуулугун жогорулатуу максаты менен кабылданды. Токтомго ылайык мамлекеттин менчигинде турган 50дөн ашык кинотеатрларды оңдоо жана айылдык клубдарды кино көрсөтүүчү техникалар менен жабдып, атайын механикти иштетүү милдети алдыга коюлду. Ал эми кино көрсөтүүчү клубдар жок айылдарга көчүп жүрүп көрсөтүүчү атайын кызмат уюштуруу милдети жергиликтүү бийликке тапшырылды.
