ЖАЛАЛАБАД. Казакстан, Өзбекстан, Түркиядан, Кыргызстандын Ош, Баткен, Бишкек шаарларынан келген окумуштуулар катышкан илимий жыйынды Жалалабад коммерциялык институту жана Түркиянын Жалалбаяр университети уюштурду. Жети топко бөлүнүп иштеген аалымдар өз өлкөлөрүндөгү социалдык-экономикалык жана укуктук маселелерди козгошуп, аларды чечүүнүн жолдорун ортого салышты. Кыргыз экономикасын өнүктүрүү үчүн туризмди, орто жана кичи бизнести өр алдырып, кен байлыктарды кайра иштетүү жана жаңы технологияларды киргизүү зарыл деген пикирлерин айтышты. 15-июнда окумуштууларды губернатор Жусупбек Шарипов кабыл алды.
