БИШКЕК. Кытайдын өкмөтү Кыргызстанга Эркечтам-Сарыташ-Ош автожолун оңдоого 30 миллион юань берет. Ага жол ачкан макулдашууга биринчи вице-премьер-министр Кубанычбек Жумалиев менен Кытайдын Кыргызстандагы элчиси кол коюшту. Транспорт жана коммуникация министринин биринчи орун басары Кубанычбек Мамаевдин айтымында, каражат грант түрүндө берилет жана ага Эркечтам-Сарыташ-Ош автожолунун 20 чакырымы ремонттолот. Бул жол оңдолсо Кытай Борбор Азия өлкөлөрүнө жана Европага чыгууга мүмкүнчүлүк алат.