2001-жылдын 11-сентябрындагы окуялардын чоо-жайын иликтеп чыккан комиссия бул иштерди уюштурууда “Ал-Каидага” Ирактын ошо кездеги режими жардамдашканын ырастаган таныктар табылбагандыгын билдирген эле. Ошол эле күнү комиссия алдында сөз сүйлөгөн федералдык прокурор Патрик Фицжералд “Ал-Каидага” олуттуу мамиле жасоого чакырды. Прокурордун айтымында, бул уюмду акылдуу адамдар башкарып турат, алар АКШнын алсыз жактарын пайдаланганга умтулушат.