Саммитте Евробиримдиктин Конституциясы кабыл алынышы керек. Былтыр декабрда болгон саммитте Конституциянын долбооруна Польша жана Испаниянын өкүлдөрү каршы чыккандан кийин өтпөй калган. Бүгүнкү талкууда маалым болгондой, Франция менен Германия Конституцияга кудай жөнүндө жоболорду кигизүүгө каршы чыгууда. Ошондой эле Евробиримдиктин бул саммитинде Еврокомиссиянын кийинки төрагалыгына талапкерлер ортого коюлат. Азыркы төрага Романо Продинин мөөнөтү ушул жылы октябрда соңуна чыгат.
