БИШКЕК. Кыргызстанда жумушсуздардын саны өткөн жылга салыштырмалуу 15 миң 400 кишиге көбөйүп, жалпы саны 174 миң 700 кишиге жетти. Бул жумушка жарамдуу калктын 8.8% түзөт. Жумушсуздук өзгөчө Бишкек шаарында, Баткен жана Нарын облустарында көп болуп, ал жерде 11% ашып кеткен. Бул тууралуу Эмгек жана социалдык коргоо министрлиги 18-июнда маалымат таратты. Ал эми оппозициялык саясатчылар жумушсуздар алда канча көп деген пикирде.
