Британиянын коргоо министрлиги Иран менен Ирактын ортосундагы сууларда күзөттө жүргөн үч кемеси жана алардын экипажы менен байланышты жоготконун ырастады. Ал эми Ирандын тышкы иштер министрлигинин билдиргенине караганда, британдык үч кеме жана экипаждын сегиз мүчөсү бүгүн эртең менен аларга караштуу аймактык суулардан кармалган. Министрликтин өкүлү Хамид Реза Асефинин айтымында, учурда кемелер эмне үчүн Ирандын аймактык сууларына кирип келгени боюнча тергөө башталды.
