БИШКЕК. 24-25-июнда Чолпоната шаарындагы «Көгүлтүр Ыссыккөл» санаториясында «Кыргызстандын курорттору жаңы миң жылдыкта» деген эл аралык симпозиум өтөт. Ага өкмөт мүчөлөрү, Жогорку Кеңештин депутаттары жана сегиз мамлекеттин өкүлдөрү катышат. Симпозиумда курорттук ресурстарды натыйжалуу пайдалануу, медициналык жардамдын сапатын арттыруу жана жаңы технологияларды иштеп чыгуу маселелери талкууланмакчы. Улуттук статистикалык комитеттин маалыматы боюнча, 63 санаторий, 57 пансионат жана ондогон эс алуучу жайлар бар.
