МАНАМА. Бахрейндин ички иштер министри падышалыктын бийликтери коркунучтуу кол салууларды даярдап жатышкан деп шектелген алты кишини камакка алышканын маалымдады. Шейх Рашид Бин Абдулла Ал Халифанын айтымында, шектүү кишилер ири рейддин учурунда таң алдында үйлөрүнөн колго түшүрүлдү. Министр, ошондой эле, камакка алынган кишилердин “ал-Кайыда” террордук уюму менен байланышы бар деп айыпталып жатканын кошумчалады. АКШнын жакын шериги Бахрейнде Кошмо Штаттардын Бешинчи аскер деңиз флоту жайгаштырылган.
