БАГДАД. Ирактын баш калаасында миналык аткылоого дуушар болуп, америкалык бир жоокер курман болду, алты аскер жараат алды. Кечээ Ирактын Бакуба шаарында америкалык аскерлер эки жолу аткылоого кабылып, андан америкалык үч жоокер курман болгон. Ал эми анын аралыгында, Абу Граиб түрмөсүнөн дагы бир топ туткун бошотулду. Америкалык аскерий булактардын маалыматына караганда, май жана июн айларынын ичинде түрмөдөн 2 миңден ашуун туткун бошотулду.
