НАРЫН. Бүткүл дүйнөлүк мусулман жаштар ассамблеясы, Кыргызстан мусулмандар диний башкармалыгы, саламаттыкты сактоо министрлиги биргелешип уюштурган медициналык "Даават кербен" акциясы 23-июнда Нарынга келди. Акциянын максаты - элдин ден-соолугун текшерүү, акысыз кеңеш берүү жана жашоочуларды ыймандуулукка чакыруу. Иш чаранын алкагында облуска 2 тонна дары-дармек бекер таратылууда. Педиатр, терапевт, көз, кулак доктурлары баш болгон 10 дарыгер райондук, облустук борборлордо калктын саламаттыгын текшерип жатышат. Алардын айтымында, ар кандай илдеттер менен аялдар көбүрөөк жапа чегишет экен. Тиш оору болсо жаштар арасында көп тараган.
