БИШКЕК. Иран ислам республикасынын биринчи-вице-президенти, доктор Ареф сентябрдын акырында Бишкекке расмий сапар менен келиши күтүлүүдө. Бул тууралуу Ирандын тышкы иштер министрлигинин экономикалык мамилелелер боюнча башкармалыгынын жетекчиси Комбиз кечээ тышкы иштер министри Аскар Айтматов менен жолугушуу учурунда маалымдады. Ушул эле күнү Ирандын тышкы иштер министрлигинин өкүлүнүн катышуусунда 1 миллион долларлык грантка кол коюлду. Иран бул каражатты жөндөмдүү балдар үчүн Чолпонатада мектеп курууга жана кургак учук менен жабыркаган балдардын ооруканасын Түп районуна которуу үчүн берүүдө.
