АКШнын мамлекеттик катчысынын орун басары Ричард Эрмитиж кечээ күнү Сенаттын коргонуу маселелери боюнча комитетинде чыгып сүйлөдү. Ал Иракта мынчалык каршылык көрсөтүлүп, террорчулар уюшулган ыкмада коалициялык күчтөргө каршы согуша алат деп америкалык өкмөт өлкөгө каршы согуш баштаар алдында күткөн эмес деп билдирди. Эрмитиждин айтымында, согуш учурунда америкалык күчтөр душманды толук жок кыла алган эмес.
