Түндүк Корея боюнча өткөрүлгөн үчүнчү сүйлөшүү дагы ийгиликсиз аяктады

Бээжин шаарында Түндүк Кореянын өзөктүк курал чыгаруу программасы боюнча өткөн төрт күндүк эл аралык сүйлөшүүдөн эч жыйынтык чыккан жок. Тараптар үстүбүздөгү жылдын сентябрында жаңы сүйлөшүү өткөрүү жөнүндө макулдашты. Жолугушууга АКШ, Жапания, Кытай, Орусия жана Түндүк менен Түштүк Кореянын дипломаттары катышкан.

Сентябрга чейин Вашингтон Түндүк Кореяга жардам көрсөтүү боюнча план иштеп чыгат, бирок Пхеньяндын айтымында, убадаланган жардам убагында берилбесе, өлкө өзөктүк сыноо өткөрөт.