БАТКЕН. 26-июнда Баткен облусунда катарга жаңыдан кабыл алынган жоокерлердин ант берүү аземи өттү. Баткен шаарынын борбордук аянтында өткөн бул аземге облусттук бийликтин өкүлдөрү, мекеме- уюмдардын жетекчилери, согуштун жана эмгектин ардагерлери, ошондой эле жоокерлердин ата-энелери катышты. Ант берүү аземинен соң аталган бөлүктүн абалын жакшыртуу максатында марафон өттү. Анда түшкөн каражат бөлүктүн имаратын оңдоп-түзөө, жаңы спорт аянтчаларын куруу сыяктуу иштерге жумшалат.