БИШКЕК. Бүгүн «Кашкасуу» эс алуу жайында «Саясий партияларды бекемдөө» деп аталган семинар аяктады. Аны эл аралык республикалык институт уюштурган. Семинарга өлкөдөгү саясий партиялардын он бешинин лидерлери, өкүлдөрү катышып, аларга бир катар эл аралык эксперттер партиялык ишти уюштуруу боюнча маалымат берди. Андан сырткары, өлкөнүн Шайлоо кодекси, келечектеги шайлоону өткөрүү боюнча талкуулар болду. Бул тууралуу семинардын катышуучусу, «Арнамыс» партиясынын төрагасынын орун басары Эмил Алиев бүгүн билдирди.
