Ирак, Ооганстан жана Босния - саммиттин күн тартибиндеги башкы маселелерден. Тактап айтканда, НАТОго мүчө 26 өлкөнүн лидерлери Стамбулдагы кеңешмеде Ирактын утурумдук өкмөтүнүн өлкөнүн коопсуздук күчтөрүн окутуп-машыктырууга жардам берүү жөнүндөгү өтүнүчүн канааттандырары күтүлүүдө. Алар ошондой эле НАТОнун Ооганстандагы бейпилдик операциясы кеңейтилишин колдомокчу. Ал эми НАТОнун Боснияда тынчтыкты сактоо миссиясы быйыл жыл соңунда аяктаары жарыяланат.
