Португалиянын премьер-министри Хозе Мануел Барозо (Jose Manuel Durao Barroso) Европа комиссиясына төрагалыкты кабыл алабы же жокпу эртең жарыялайт. НАТОнун саммитинен бүгүн ал Португалияга кайтат жана Европа комиссиясынын азыркы төрагасы Роман Проди менен жолугушат. Серепчилердин баамында, Португалиянын премьер- министринин төрага болушун жактагандар көп экенин эске алсак, анын төрага болуу мүмкүнчүлүгү жетиштүү. Ал эми Еврокомиссиясынын азыркы төрагасы Роман Продинин мөөнөтү ушул жылы 31-октябрда аяктайт.
