Муну Стамбул саммитинде бүгүн президент Леонид Кучма кайрадан бышыктады. Бирок альянстын лидерлери адегенде Украинада түйүндүү реформалар өткөрүлүүгө тийиш экенин эскертишти. Альянстын баш катчысы Яап де Хооп Схеффер, атап айтканда, НАТОлук союздаштар Украинанын жетекчилигин демократияны чыңдоого, мыйзамдардын кынтыксыз сакталышын, сөз эркиндигин камсыз кылууга, айрыкча, президенттикке адилет жана эркин шайлоо өткөрүүгө өзгөчө көңүл бурууга чакыра тургандыгын билдирди.
