БИШКЕК. 12-июлда Бишкекте соода-экономикалык кызматташуу боюнча кыргыз-казак өкмөттөр аралык комиссиянын жыйыны болот. Бул тууралуу комиссиянын кыргыз тарабынын төрагасы, вице-премьер-министр Базарбай Мамбетов бүгүн билдирди. Анын айтымында, жыйында 15 маселе каралат. Анын ичинде транспорт, суу-энергетика, эмгек мигранттары, бажы, чегара жана Ысыккөлдөгү төрт пансионатты Казакстанга өткөрүп берүү маселеси бар. «Суу-энергетика маселеси каралган кезде кышка даярдык да козголот»,- деп белгиледи Базарбай Мамбетов.