БИШКЕК. Жогорку Кеңештин Мыйзам чыгаруу жыйынынын депутаттары Алевтина Проненко жана Тажиниса Абдрасулова июнь айынын аягында «Калк жайгаштыруу» маселесине арналып, Австралияда болгон эл аралык конференцияга катышып келди. Бириккен Улуттар Уюму тарабынан уюштурулган жыйында гендердик саясат, аялдардын ден соолугуна байланыштуу маселелер талкууланган. Кыргыз делегациясы өз өлкөсүндө кош бойлуу аялдардын 70% ашууну аз кандуулуктан жабыркаарын айтып, бул багытта жардам берүүнү конференция соңунда кабыл алынган резолюцияга киргизишкен. Бул тууралуу Мыйзам чыгаруу жыйынынын депутаты Алевтина Проненко бүгүн билдирди.
