Бавариянын клиникасында далысына операция жасаткан Египеттин президенти Германиянын тышкы иштер министри менен Жакынкы Чыгыштагы кырдаалды сөз кылышмак. Мубарактын дарыгерлери билдиргендей, 76 жаштагы президент жылышып кеткен омурткасын өткөн айда сойдургандан кийин, аркы-терки басып, көнүгүү жасап, тыңып калды. Египетти 23 жылдан бери башкарып келаткан Мубарактын артында расмий мураскору жок. Каирден 20-июнда кетип жатып, ал премьер-министр Атеф Обеидди өз ордуна калтырып кеткен.
