БИШКЕК. Бүгүн Бишкекте Шайлоо системасы боюнча эл аралык фонддун демилгеси менен өлкөнүн Шайлоо кодексин талкуулоо болду. Ага өлкөдөгү саясий партиялардын, өкмөттүк эмес уюмдардын өкүлдөрү катышты. Талкуунун жүрүшүндө Шайлоо кодексин өркүндөтүү сунуштары айтылды. Маселен, добуш берүүгө кирген кишинин колуна сыядан белги коюу, бир адамдын кайра-кайра добуш берүүгө кирүүсүнө чек коюу белгиленди.
