БИШКЕК. Минск шаарындагы КМШнын штаб-квартирасында “2005-2007-жылдары КМШда кылмыштуулукка каршы мамлекет аралык чара көрүү” программасынын долбооруна кошумча киргизүү багытында эксперттик топ жыйын өткөрүүдө. Бул тууралуу Беларустагы Кыргызстандын элчилигинен бүгүн билдиришти. Программанын алкагында баңги заттарын мыйзамсыз жүгүртүүгө, психикага таасир берүүчү заттарды сатууга жана уюшкан кылмыштуулукка каршы күрөшүү маселелери талкууланууда. Аталган жыйынга элчиликтин өкүлү катышууда жана Бишкектен бул жыйынга эч ким барган эмес.
