АНКАРА. Израилдин вицепремьер-министри Эхуд Ольмерт жөөт аскерлеринин Газа тилкесинен чыгарып кетүү жараянынын тездетилишин колдоорун айтты, ошону менен бирге эле ал чөлкөмдөгү жөөт кыштактарын көчүрүү убакытты талап кыла турганын эскертти. Анкарага жасаган визитинин учурунда Олмерт жакында орун алган келишпестиктерге карабастан Түркия менен Израилдин мамилелери чың бойдон калганын бышыктады. Анын айтымында, Израил менен Түркияны региондогу орток кызыкчылыктар байланыштырат.
Түркиянын өкмөт башчысы Режеп Тайып Эрдоган жакында Израилдин палестин согушкерлерин өлтүрүп, жок кылуу аракеттерин" мамлекеттик терроризм" деп атаган болчу.
Түркиянын өкмөт башчысы Режеп Тайып Эрдоган жакында Израилдин палестин согушкерлерин өлтүрүп, жок кылуу аракеттерин" мамлекеттик терроризм" деп атаган болчу.
