БИШКЕК. Быйыл Кыргызстандын аймагында дан эгиндери 345 миң гектар жерге эгилген.Бул өткөн жылга салыштырмалуу 88 миң гектарга көп. Андан тышкары тамеки, пахта жана май алынуучу өсүмдүктөр быйыл былтыркыга караганда арбын. Ал эми жашылча-жемиш өсүмдүктөрү айдалган аянт 413 миң гектарды түзөт. Ушундан улам өкмөт түшүмдү тез жана уюшкандыкта жыйнап алуу тууралуу токтом кабыл алып, тиешелүү мекеме уюмдарды тыкан иштөөгө милдеттендирди. Андан тышкары айыл чарба товарларын өндүрүүчүлөрдүн дүйнөлүк рынокко чыгуусун жеңилдетүү планын иштеп чыгып бекитти.
