БИШКЕК. 19-июлда Өзбекстандын Фергана шаарында кыргыз-өзбек чек арасын делимитациялоо боюнча эксперттер деңгээлинде сүйлөшүүлөр башталат. Бул тууралуу бүгүн өкмөттүн регионалдык маселелер боюнча бөлүмүнүн башчысы, сүйлөшүүдөгү кыргыз делегациясынын мүчөсү Саламат Аламанов билдирди. Кыргыз-өзбек мамлекеттик чек арасын аныктоо боюнча сүйлөшүүлөр 2000-жылдын башында башталып, андан бери 1295 чакырым келген чек ара сызыгынын 1 миң чакырымдайы делимитацияланган.