ТБЛИСИ. Өзүн Грузиядан көз караандысыз деп жарыяланган козголоңчул Түштүк Осетия Тбилисиге жаңжал тутанган аймактардан бейпилдик аскерлеринин курамына кирбеген баардык грузин аскерлерин 18-июлга чейин чыгарып кетүүнү талап кылып, ультиматум койду. Ал эми Россиянын тышкы иштер министрлиги болсо Тбилиси жакында Москвада жаңжалды жөнгө салуу боюнча орток комиссия кабыл алган чечимдерди аткарбай жатканын маалымдаган билдирүү жасады. Грузиянын бул билдирүүлөргө кандай жооп кайтарганы маалымдалбайт. Жаңжал тутанган аймакта ОБСЕнин байкоочу тобу жүрөт.
