ИСЛАМАБАД. Өткөн түнү Пакистандын Ооганстанга чектеш жерлеринде куралдуу согушкерлер менен өкмөттүк аскерлердин ок атышуусу болуп, андан ок атышкандардын ортосунда калган карапайым үч киши набыт болду. Төрт киши жараат алды. Пакистандын аскердик өкүлүнүн айтымында, ок атышуу өкмөттүк күчтөр ракеталар менен аткылангандан чыккан. Пакистандын Вазиристанда өлкө аскерлерди менен Ал-Кайыда террористтери делинген согушкерлердин кагылышуулары кезек-кезек орун алууда.
Пакистанда куралдуу топтор менен өкмөттүк аскерлердин ок атышуусунда үч жөнөкөй жаран курман болду
