Американын үч атуулу оогандыктарды мыйзамсыз камакка кармап, аларды кыйнаган үчүн сот алдына келди. Алар Кабулда баш-аягы 11 адамды камакта кармап, ар кандай кыйноо жана кемсинтүүлөргө барышкан. АКШ жана Ооганстан бийлиги бул үч адам эч кандай мыйзамдык укугу жок туруп, терроризмге каршы өз алдынча күрөшүп аткандай элестетишкенин билдиришти. Ал эми сот алдына келгендердин бирөөсү Пентагондун көрсөтмөсү менен иш алып барганын билдирүүдө. Сот үчөөнү тең 20 жылга эркинен ажыратышы ыктымал.
