БИШКЕК. Бүгүн Борбордук шайлоо комиссиясы Жалалабад облусунун жана Бишкек шаарынын шайлоо комиссиясын түзүү боюнча токтом кабыл алды. Бул токтомдун кабыл алынышы менен өлкөдө 6 облустук жана 2 шаардык шайлоо комиссиялары түзүлдү. Областык жана Бишкек, Ош шаардык шайлоо комиссияларынын тизмеси жакын арада жарыяланат. Бул тууралуу бүгүн Борбордук шайлоо комиссиясынын басма сөз кызматынан билдиришти. Ошондой эле жергиликтүү шайлоого, Жогорку Кеңешке, президенттикке шайлоо кампаниясына алдын ала даярдыктарды көрүү маселесине байланыштуу токтом кабыл алынды.
