Жума күнү Пакистандын президенти Первез Мушарраф менен Индиянын жаңы тышкы иштер министри Натвар Сингх алгачкы ирет жолугушту. Анын соңунда Сингх сүйлөшүү жылуу, ачык-айрым, чынчыл маанайда өткөнүн белгиледи. Бул жолугушуу – январь айында башталган эки тараптуу тынчтык сүйлөшүүлөрүнүн акыркысы болуп калмакчы. Өзөктүк куралга ээ коңшулаш эки мамлекет – ортодо талашка түшкөн тоолуу Кашмир чөлкөмүнүн айынан мындан эки жыл мурун эле аз жерден согуша жаздашкан.
