БИШКЕК. Кыргызстан менен Франциянын өрт өчүргүчтөрү күз айларында биргелешкен семинар өткөрөт. Ага даярдык көрүү маселеси экология жана өзгөчө кырдаалдар министринин орун басары Алмаз Камчыбеков менен Франциянын Кыргызстандагы элчилигинин жооптуу кызматкери Жан-Люк Дебу менен жолугушууда талкууланды. Бул тууралуу бүгүн министрликтин маалымат кызматынан кабарлашты. Кыргыз тарап жолугушууда өлкөнүн өрт өчүргүч кызматынын абалы тууралуу маалымат берген. Ага караганда, өрт өчүрүүчү 276 техниканын жарымы иштебейт. Алардын эскилиги көп кыйынчылыктарды жаратууда.
