Багдад. Батыштын маалымат агенттиктери кабарлашкандай, Иракта улуттук жыйындын өтүшү эки аптага жылдырылды. Ирактын келечегине байланыштуу маселелер чечиле турган бул Элдик жыйын 15 августа өтө турган болду. Буга чейин жыйын ушул ишембиде өтөт деп маалымдалган. Ирак элинин улуттук конференциясына өлкөнүн бардык аймактарынан 1000ге жакын делегат катышып, курамына 100 адам кирген Улуттук кеңеш шайланышы күтүлүүдө.
