БИШКЕК. Бүгүн Бишкекте «Маалымат алуудагы кыйынчылыктар жана келечек» аттуу эл аралык конференция ишин аяктады. Талкуунун акырында жумушчу топ түзүлүп, ага талкууда айтылган сунуштарды талдап чыгуу жана анын негизинде маалымат алуу концепциясынын долбоорун иштеп чыгуу милдети жүктөлдү. Бишкекте кечээ башталган бул конференцияны «Сорос-Кыргызстан» фонду, Трансперэнси Интернешнл уюму жана Адилет башкаруу боюнча улуттук кеңеш уюштурулуп, ага маалымат каражаттарынын, басма сөз кызматтарынын, бейөкмөт уюмдардын жана расмий бийликтин өкүлдөрү катышты.
