Бириккен Улуттардын Коопсуздук Кеңеши бүгүн Африкадагы Судан мамлекетинин Дарфур провинциясындагы абал тууралуу резолюция кабыл алууга тийиш. Анын долбоору боюнча, эгер Судан өкмөтү аймактагы чатакты бир айдын ичинде жөнгө салбаса, ага каршы атайын чаралар көрүлүшү мүмкүн. Дарфурдун негрлерине каршы көрүлгөн аракеттердин айынан акыркы бир жарым жылда 30 миңден ашык карапайым адам курман болду.
