БИШКЕК. Ташкендеги жардырууга байланыштуу Өзбекстан Кыргызстан менен чек арасын жапты. Бул тууралуу Улуттук коопсуздук кызматынын төрагасынын орун басары Борис Полуэктов бүгүн билдирди. Анын айтымында, кыргыз тарап өлкөдө, анын ичинде биринчи кезекте түштүк тарапта коопсуздук чараларын күчөттү. Бул диний экстремисттик уюмдардын Кыргызстанда да бар экендигине жана террордук актылардын бизде да болушу ыктымалдыгына байланыштуу жасалды. Ал эми Ташкендеги акыркы жардыруулар буга чейин Өзбекстанда жасалган террордук чабуулдардын уландысы, деп белгиледи Борис Полуэктов.
