БИШКЕК. Бүгүн таңга маал Кыргызстандын тоо кыркаларындагы Чапаев жана Хан Теңири чокусунун ортосунда көчкү жүрүп, ал жерде чет өлкөлүк 6 альпинист набыт болуп, 2 адам оор абалда Ысыккөл облустук ооруканасына жеткирилген. Ысыккөл облустук ооруканасынын дарыгери Сыдык Чолпонбаевдин маалымдашынча, Орусиянын жараны жеңил жаракат алган. Ал эми Чехиянын атуулу оор жаракат алып реанимацияга жаткырылган. Учурда алардын ал-акыбалы дурус. Набыт болгондордун бешөө Чехиянын, бирөө Россиянын жараны. Бул тууралуу Экология жана өзгөчө кырдаалдар министрлигинин күзөт бөлүмүнөн бүгүн кабарлашты.
