НАРЫН. Кошмо Штаттардын Конгрессинин өкүлдөрүнөн, сенаторлордон куралган делегация эртең Бишкекке келет. Бул маалымат Жогорку Кеңештин Эл өкүлдөр жыйынынан алынды. Ал эми Нарын облусунун губернатордун биринчи орун басары Жыргалбек Азыловдун билдиргенине караганда, 7-август күнү АКШнын 5 штатынын сенаторлору, Конгресстин өкүлдөрү, коопсуздук кызматкерлери жана бир дарыгер учурда Нарын облусунун Торугарт, Чатыркөл аймактарында жүрүшөт. АКШнын 28 адамдан турган делегациясы Кыргызстанга Улуу Жибек Жолу боюнча Кытай Эл Республикасы аркылуу келишти.
