Тоолуу Карабакта жекшемби күнү шайлоо өткөрүлөт жана Европа Биримдигинин шайлоону кийинкиге калтыруу сунушун жумурияттын жетекчилиги четке какты. Шайлоонун жыйынтыгында Тоолуу Карабактын жаңы өкмөтү түзүлүүгө тийиш, жумурият жетекчилигинин айтымында, андай толук ыйгарымдуу өкмөттүн пайда болушуна эл аралык коомчулук кызыкдар эмес. Тоолуу Карабак Азербайжандын курамына кирет, бирок кошуна Армениянын жардамы менен 1994-жылы анда жалаң армяндар бийликке келген, ага чейин болсо жумуриятта жашаган азербайжандар сыртка көчүп кетүүгө мажбурланган.
