Улуу Британия Минскиден жакында бул өлкөдөн британиялык профессор Алан Флауэрстин чыгарылышына байланыштуу түшүндүрмөлөрдү талап кылат. Бул жөнүндө кечээ Британиянын тышкы иштер министрлигинен билдиришти. Буга чейин Минск британиялык физик-окумуштуу Флауэрске Беларуска келүүгө 5 жылга тыйуу салган. Бирок, анын себептери жөнүндө эч нерсе айтылган эмес. Ал эми Флауэрстин пикиринде, Белорусиядан чыгарылышына анын бул өлкөдөгү өкмөттүк эмес уюмдары менен кызматташуулары себеп болду.
