БИШКЕК. Чолпоната шаарында 9-12-сентябрга чейин IV эл аралык спорт оюндары өткөрүлөт. “Азия-кызматташтыктын жана тынчтыктын аймагы” деген аталыштагы спорт оюндарында спорттун 12 түрү боюнча мелдеш уюштурулуп, Борборазия жана Орусиянын миңге жакын спортчусу жана машыктыруучусу катышат. Бул тууралуу өкмөттүн маалымат кызматынан бүгүн билдиришти. Бул иш чарага кыргыз өкмөтү 13 млн.сом каражат бөлгөн. Оюндар “Рух ордосу” маданий комплексинде расмий ачылып, мамлекет башчысы Аскар Акаев жана Орусиянын экс-президенти Борис Ельсиндин катышуусу күтүлүүдө.
