БИШКЕК. “Саясий жана мамлекеттик кызматкерлердин жана алардын жакындарынын тапкан кирешелерин, мүлкүн ачыкка чыгаруу” тууралуу мыйзамга мамлекет башчысы кол койду. Бул мыйзам мамлекеттик бийликтегилердин Кыргызстан элине болгон жоопкерчилигин күчөтөт, деп билдирди бүгүн президенттин басма сөз кызматынан. Аталган мыйзамга ылайык жогорку саясий кызматкерлер жана мамлекеттик башкаруу органдардагы жетекчилер тапкан кирешелери, мүлкү тууралуу эл алдында ачык билдирет.
