Руандалык аскерлер Судандын баш калаасы Картумга кечээ келишти. Бардыгы болуп, 300 аскерден турган Африка Биримдигинин куралдуу күчү Судандын Дарфур аймагында качкындарды коргоп, абалга көзөмөл жүргүзмөкчү. Судандын тышкы иштер министри Мустафа Исмаил руандалык аскерлерди тосуп алды, бирок чет элдик аскер жайгаштыруу Суданды экинчи Иракка айландырышы мүмкүн деп чочулаганын жашыган жок. Дарфурдагы калабада 30 миңдей судандык кара африкалык өкмөттүн колдоосуна ээ болгон араб парамилитаристтери колдуу болду. Дагы бир миллиондой киши үй-жайын таштап качты.
