ЖАЛАЛАБАД. Облуста жергиликтүү кеңештердин сессияларында райондук, шаардык округдук шайлоо комиссиялары түзүлдү. 19-августтан кийин участкалык 364 комиссия ачылат. Шайлоочуларга ыңгайлуу болуу үчүн кошумча түрдө жаңыдан жергиликтүү 17 шайлоо комиссиясы уюштурулат. Бул тууралуу 16-августта шайлоо жана референдумдарды өткөрүү боюнча облустук комиссиясы билдирди. Маалыматка ылайык облустагы 12 шаар, райондо түзүлгөн округдук комиссиялар 10-октябрда болуучу шайлоону уюштурат. Айыл, шаар кеңештеринин депутаттыгына талапкерлер сунуш этилүүдө.