БИШКЕК. Ушул жылы мамлекеттик тил жана маданият боюнча мамлекеттик комиссия Кычан Жакыпов атындагы мурдагы пионерлер үйүнө жайгашат. Кыргызстандын тарыхый жана архитектуралык эстелиги деген макамга ээ болгон ал үй өткөн кылымдын башында, Пишпек шаарынын биринчи старостасы, көпөс Терентьев үчүн курулган. Үйдүн эскилиги жеткендиктен азыр аны ремонттоого кеминде 25-30 миллион сом зарыл болууда. Азыр ал үйдө край таануу жана туризм боюнча республикалык борбор менен жаш көрүүчүлөрдүн театры иштейт.
