БИШКЕК. Эртең Кыргызстанга Орусиянын «Бирдиктүү электр системасынын» башкармалыгынын башчысы Анатолий Чубайс иш сапары менен келет. Ал мамлекет башчы Аскар Акаев, премьер-министр Николай Танаев менен жолугушуп, энергетика тармагында кызматташуу боюнча сүйлөшүүлөр өткөрөт. Анын жыйынтыгында тараптар энергетика тармагында кызматташуу жана Камбарата ГЭСтерин куруу боюнча меморандумга кол коюшат. Өкмөттүн маалымат кызматынын кабарлоосуна караганда, Россиянын башкы энергетиги Токтогул ГЭСинде жана Камбарата ГЭСтеринин курулуш аянттары менен жеринде таанышат.
