БИШКЕК. 25-августта Бишкекте «Элдик патриоттук» кыймылынын республикалык конференциясы өткөрүлөт. Ага өлкөнүн бардык аймактарынан 200гө жакын делегат катышаары болжолдонууда. Жыйында кыймылдын келечектеги иш пландары жана бир катар саясий маселелер талкууланат. Анын арасында келечектеги жергиликтүү жана парламенттик шайлоолордо кайсыл саясий топ менен биргелешип аракеттенүү жана президенттик шайлоодо бирдиктүү бир талапкерди колдоо маселеси бар. Бул тууралуу кыймылды уюштуруучулардын бири, укук коргоочу Турсунбек Акун маалымдады. Эске сала кетүүчү нерсе ,«Элдик патриоттук кыймылы» үстүбүздөгү жылдын 28-майында Мисир Ашыркулов башында турган атуулдук бирикмеге атаандаш катары түзүлгөн.
