Глобалдык жылуулук чөлкөмдө климаттын начарлашына, деңиздерде суу деңгээлинин көтөрүлүшүнө жана башка кеспеттерге алып келип жатат. Жогорудагыдай эскертүү Европанын Айлана-чөйрө боюнча агенттигинин докладында айтылган. Анда белгиленгендей, континенттин түндүгүндө жамгырдын көптүгү, ал эми түштүктөгү курагакчылык кээ бир чөлкөмдөрдүн айыл - чарбасына коркунуч туудурушу мүмкүн. Ал эми 2050-жылга чейин Альпы тоолорундагы мөңгүлөрдүн көп бөлүгү жок болушу ыктымал. Былтыр Европанын Батышы менен түштүгүндөгү ысыктан 20 миңдей киши, көбүнесе улгайган адамдар каза тапкан.