Пакистандын укук коргоо комиссиясы абакта отурган динаятчынын өлүмү боюнча тергөө өткөрүүнү талап кылууда

Кари Нур Мохамед “ал-Кайид” террордук уюшмасы менен байланышта турат деген шек менен шаршембиде кармалган эле.
Файзалабад шаарынын полиция башчысы ырастагандай, Мохамед мамлекетке каршы багытталган иш-аракеттери үчүн камалган.
Полициянын айтымында, динаятчы жүрөк оорусунан көз жумду. Шаардын диний коомчулугу болсо анын өлүмүнө түрмөдөгү кыйноолор себеп болду деп эсептейт.
Мохамед менен кошо кармалган Кари Убайдулла деген киши динаятчы катуу токмок жеген деп ырастоодо.